пры пераломах і вывіхах шыйных пазванкоў

Ключавыя словы: пераломы, вывіхі, пералома-вывіхі шыйных пазванкоў, пазваночны канал, траўматычны стэноз, кампенсаваная, субкампенсаваная, дэкампенсаваная форма.

Аб'ект і прадмет даследавання. Аб'ектам даследавання з'явілісь вынікі клінічнага і інструментальнага абследавання 148 пацярпелых з вывіхамі і пераломамі шыйных пазванкоў (СIII-CVII), якія лячыліся кансерватыўна і аператыўна ў артапеда-траўматалагічным і нейрахірургічным аддзяленнях Гомельскй абласной клінічнай бальніцы з 1980 г. па 2008 г.

Прадмет даследавання - асаблівасці клінічнай і рэнтгенамарфаметрычнай праявы траўматычнага стэнозу хрыбетнага канала ў пацярпелых з пераломамі і вывіхамі шыйных пазванкоў (СIII-CVII).

Мэта працы: паляпшэнне вынікікаў аказання медыцынскай дапамогі пацыентам з пераломамі і вывіхамі шыйных пазванкоў шляхам распрацоўкі і укаранення удасканаленых метадаў дыягностыкі і лячэння гэтай паталогіі.

Метады даследавання: клінічны, прамянёвы (аглядныя, касыя рэнтгенаграмы і з функцыянальнай нагрузкай, зонаграмы, кампутарныя, магнітна-рэзанансныя тамаграмы), рэнтгенамарфаметрычны, статыстычны.

Атрыманыя вынікі і іх навізна: упершыню распрацаваныя новыя рэнтгеналагічныя крытэрыі адзнакі пашкоджанняў шыйнага аддзела хрыбетніка на ўзроўне СIII-CVII для азначэння тактыкі кансерватыўнага і аператыўнага лячэння, кантролю эфектыўнасці выкананых медычных маніпуляцый на пазванках. Сістэматызаваны тыпы траўматычнага стэнозу шыйнага аддзела хрыбетнага канала на ўзроўне СIII-CVII і прапанавана класіфікацыя сукупнасці такіх пашкоджанняў па крытэрыю стэнозу.